Yuxarı
    Bağlamaq

    ​Ağstafada avtomobildən 15 metr kənara düşən sürücü qəza yerində ölüb - FOTO

    Hadisə Bakı-Qazax avtomagistralının 467-ci kilometrliyində qeydə alınıb

    Bakı. 7 yanvar. REPORT.AZ/ Ağstafada ölümlə nəticələnən ağır yol qəzası baş verib.

    "Report" xəbər verir ki, hadisə Bakı-Qazax avtomagistralının 467-ci kilometrliyində qeydə alınıb.

    26 yaşlı Oruc Əliyevin sükanı arxasında olduğu "Naz Lifan" markalı avtomobil idarəetməni itirərək əvvəlcə bayraq meydanının bardürünə, daha sonra isə rayon sakini Əli Cəfəroğlunun idarə etdiyi "VAZ 21 06"ya dəyib.

    "Naz Lifan"dan 15 metr kənara düşən sürücü hadisə yerində dünyasını dəyişib.

    Hadisə şahidlərinin sözlərinə görə, qəza yüksək sürət nəticəsində baş verib. Qəza zamanı "VAZ"ın sürücüsü xəsarət almayıb.

    Faktla bağlı Baş Dövlət Yol Polisi İdarəsində araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi