Ağdaşda şagird məktəbdə yıxılaraq xəsarət alıb

Ağdaş. 23 fevral. REPORT.AZ/ Ağdaşda məktəbli qız dərs zamanı yıxılaraq xəsarət alıb.

"Report"un yerli bürosunun məlumatına görə, hadisə rayonda fəaliyyət göstərən orta məktəbdə baş verib.

15 yaşlı rayon sakini A.Ə oxuduğu məktəbdə ehtiyatsızlıqdan yıxılaraq müxtəlif dərəcəli bədən xəsarətləri alıb. Yaralı xəstəxanaya yerləşdirilib.

Faktla bağlı araşdırma aparılır.