Ağdaşda piyadanı maşın vurub

Ağdaş. 20 may. REPORT.AZ/ Ağdaşda piyadanı maşın vurub.

"Report"un Şirvan bürosunun xəbərinə görə, hadisə bu gün səhər 07:30 radələrində Bakı-Şamaxı-Yevlax magistral yolunun 247 km-də, Ağdaş rayon Zeynəddin kənd ərazisindən keçən hissəsində baş verib.

Rayonun Ləki qəsəbə sakini Ələsgər Ramazan oğlu Daşdıyev idarə etdiyi VAZ 2106 markalı 19-BB-772 dövlət nomrə nişanlı minik maşını ilə hərəkətdə olarkən yolu keçmək istəyən, rayonun Hüseyn Cavid küçəsi 9 ünvanında yaşayan 1986-cı il təvəllüdlü Emin Şakir oğlu Qasımovu vurub. Xəsarət alan E.Qasımov dərhal Ağdaş Rayon Mərkəzi Xəstəxanasının (RMX) travmatologiya şöbəsinə gətirilib. 

Hazırda piyadanın vəziyyəti ağır olaraq qalır. 

Faktla bağlı araşdırma aparılır.