Ağdaş. 23 may. REPORT.AZ/ Ağdaş rayonunda xəsarətlə nəticələnən yol nəqliyyat hadisəsi baş verib.
"Report"un yerli bürosunun məlumatına görə, hadisə rayonun İşıqlı kəndində qeydə alınıb.
Belə ki, hərəkətdə olan motosikletin qarşısına çaqqalın çıxması səbəbindən sürücü idarəetməni itirərək nəqliyyat vasitəsini aşırıb. Nəticədə sürücü baş nahiyəsindən xəsarət alıb. Onun vəziyyətinin qənaətbəxş olduğu bildirilir.
Faktla bağlı araşdırma aparılır.