Ağdaş. 23 yanvar. REPORT.AZ/ Ağdaş rayonunun Ləki kəndi ərazisində baş verən ağır yol-nəqliyyat hadisəsi zamanı xəsarət alan şəxslərin adları məlum olub.
"Report"un yerli bürosu xəbər verir ki, Lənkaran rayon sakini 1967-ci il təvəllüdlü, Cavadov Elçin Sabir oğlunun idarə etdiyi "Mercedes" markalı avtomobil Ağdaş rayonunun Ləki kəndi ərazisində yük maşını ilə toqquşub.
Nəticədə sürücü və avtomobildə olan sərnişin 1975-ci il təvəllüdlü Ellada Cavadova müxtəlif bədən xəsarətləri alaraq xəstəxanaya aparılıb. Onların vəziyyətinin qənaətbəxş olduğu bildirilir.
Faktla bağlı araşdırma aparılır.
*** 19:58
Ağdaş. 23 yanvar. REPORT.AZ/ Ağdaş rayonunda ağır yol-nəqəliyyat hadisəsi baş verib.
"Report"un Qərb bürosunun məlumatına görə, hadisə rayonun Ləki kəndi ərazisində qeydə alınıb. Qəza nəticəsində xəsarət alanların olduğu bildirilir.
Hadisə yerinə hüquq-mühafizə orqanlarının əməkdaşları və Təcili Tibbi Yardım Stansiyasının həkim briqadası cəlb olunub. Yaralılar "təcili yardım" maşınları ilə xəstəxanaya çatdırılıb.
Faktla bağlı araşdırmalara başlanılıb.
Daha əvvəl Gəncə şəhərində 1 nəfərin xəsarət alması ilə nəticələnən yol qəzası baş verib.