Bakı. 11 iyul REPORT.AZ/ Ağdaş Rayon Mərkəzi Xəstəxanasında azyaşlının ölümü ilə bağlı cinayət işi başlanılıb.
Bu barədə "Report"a Ağdaş Rayon Prokurorluğundan məlumat verilib.
Bildirilib ki, Qəbələ rayonunun Qaradeyin kənd sakini, 2008-ci ildə anadan olmuş Mehralıyev Seymur Qoşqar oğlu Ağdaş Rayon Mərkəzi Xəstəxanasında ölüb.
Qeyd edilən faktla bağlı Ağdaş Rayon Prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsi ilə cinayət işi başlanıb.
Ölümün baş vermə səbəblərinin müəyyən edilməsi məqsədi ilə iş üzrə məhkəmə-tibb ekspertizası təyin edilib.
Hazırda cinayət işi üzrə zəruri istintaq tədbirləri davam etdirilir.