Yuxarı
    Bağlamaq

    ​Ağdamda bir gündə iki mağaza qarət edilib - FOTO

    Ərzaq və telefon mağazalarına min manatdan çox ziyan dəyib

    Bakı. 27 dekabr. REPORT.AZ/ Ağdam rayonunda iki mağaza qarət edilib. "Report" xəbər verir ki, hadisə rayonun Quzanlı qəsəbəsi, Heydər Əliyev prospektində qeydə alınıb. Ağdam Rayon Polis Şöbəsindən (RPŞ) verilən məlumata görə, Zaur İlqar oğlu Məmmədova  məxsus ərzaq mağazasından təxminən 40-50 AZN dəyərində ətriyyat və spirtli içkilər oğurlanıb. Oğurluq edən şəxs və ya şəxslərin mağazaya dam hissəsindən daxil olublar. Daha sonra eyni qayda ilə ərzaq dükanı yaxınlığında yerləşən mobil telefon mağazası da qarət edilib. Rəşad Həbib oğlu Qasımova məxsus telefon mağazasından ümumi dəyəri 1000 manata yaxın olan telefon və telefon aksesuarları oğurlanıb. Hər iki zərərçəkən Ağdam RPŞ-ə müraciət edib. Faktla bağlı  RPŞ-də araşdırma aparılır, oğurluq edən şəxs və ya şəxslərin kimliyinin müəyyənləşdirilməsi istiqamətində tədbirlər davam etdirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi