Ağcabədidə yol qəzasında 4 nəfər xəsarət alıb

Ağcabədi. 23 iyul. REPORT.AZ/ Ağcabədi rayonunda ağır yol nəqliyyat hadisəsi baş verib.

"Report"un Qarabağ bürosu xəbər verir ki, hadisə rayonun Sarıcalı kəndi ərazisində baş verib. 

Belə ki, "VAZ-2106" və "VAZ-2107" markalı avtomobillər toqquşub. Zərbənin gücündən "VAZ-2106" markalı avtomobil idarəetmədən çıxaraq aşıb. Nəticədə sürücü və avtomobildə olan 3 nəfər sərnişin xəsarət alıb. Yaralılar Ağdam Rayon Mərkəzi Xəstəxanasına yerləşdirilib. 

Faktla bağlı araşdırmalara başlanılıb.