Bakı. 2 dekabr. REPORT.AZ/ Azərbaycanın Ağcabədi rayonunda vətəndaşdan silah-sursat götürülüb.
"Report"un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.
Belə ki, Ağcabədi Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində Laçın rayon sakini Xosrov Əsədovdan 1 ədəd “Makarov” markalı tapança, 2 patron darağı və 142 ədəd müxtəlif çaplı patron götürülüb.
Faktla bağlı araşdırma aparılır.