Ağcabədidə rayon sakininin evindən silah-sursat aşkar olunub

Bakı. 20 yanvar. REPORT.AZ/ Ağcabədidə rayon sakininin evindən silah-sursat aşkar olunub.

DİN-in Mətbuat xidmətindən "Report"a verilən məlumata görə, Ağcabədi Rayon Polis Şöbəsinin əməkdaşları əldə etdikləri əməliyyat məlumatı əsasında rayon sakini Aslan Rüstəmzadənin evinə baxış keçiriblər. Nəticədə evdən 1 ədəd “Makarov”, 1 ədəd “Reck-Cobra” markalı qaz tapançaları, 44 ədəd travmatik patron, 2 qandal və 1 ədəd nunçaqi aşkar edilərək götürülüb.

Saxlanılan şəxs maddi sübutlarla birgə istintaqa təhvil verilib.

Faktla bağlı cinayət işi başlanılıb.