Ağcabədidə avtomobildə yanan şəxslərin kimliyi məlum olub - FOTO - VİDEO

Ağcabədidə avtomobildə yanan şəxslərin kimliyi məlum olub - FOTO - VİDEO Ağcabədi rayonunda baş verən yol qəzasında yanaraq ölən və xəsarət alan şəxslərin şəxsiyyəti müəyyənləşdirilib.
Hadisə
146
29 Noyabr , 2019 14:36
Ağcabədidə avtomobildə yanan şəxslərin kimliyi məlum olub - FOTO - VİDEO

Ağcabədi rayonunda baş verən yol qəzasında yanaraq ölən və xəsarət alan şəxslərin şəxsiyyəti müəyyənləşdirilib.

"Report"un Qarabağ mərkəzinin verdiyi məlumata görə, rayonunun Avşar kəndi ərazisində baş verən yol-nəqliyyat hadisəsi zamanı "VAZ-21099" markalı avtomobildə yanaraq ölən şəxslər - rayon sakinləri 1952-ci il təvəllüdlü Dədəkişiyev Hüseyn Məhəmməd oğlu və 1948-ci il təvəllüdlü Dədəkişiyeva Güllü Telman qızıdir.

Hadisə zamanı digər "VAZ-2107" markalı avtomobilin sürücüsü - 1992-ci il təvəllüdlü Məmmədov Orxan İlham oğlu ağır xəsarət alaraq Agcəbədi Rayon Mərkəzi Xəstəxanasına yerləşdirilib. 

Vəziyyəti ağır olan O.Məmmədov Bakı şəhərində yerləşən xəstəxanalarının birinə göndərilib.

Faktla bağlı araşdırma aparılır.


*** 10:32

Ağcabədi rayonunun Avşar kəndində “ВАЗ” markalı iki minik avtomobili toqquşub. 

Fövqəladə Hallar Nazirliyindən (FHN) "Report"a verilən məlumata görə, nəticədə avtomobillərdən birinin yanar hissələri yanıb. 

Yanğının kəşfiyyatı zamanı avtomobildə aşkarlanan 2 nəfərin (şəxsiyyətləri dəqiqləşdirilir) yanmış meyiti yanğınsöndürən-xilasedicilər tərəfindən nəqliyyat vasitəsindən çıxarılaraq aidiyyəti üzrə təhvil verilib. Yanğın yanğından mühafizə bölmələri tərəfindən söndürülüb.

Hadisə ilə əlaqədar müvafiq qurumlar tərəfindən təhqiqat aparılır.

Son xəbərlər

Orphus sistemi