Ağacdan meyvə yığan Göyçay sakini yıxılaraq ölüb

Bakı. 2 iyun. REPORT.AZ/ Göyçay sakini bədbəxt hadisə nəticəsində ölüb.

“Report”un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.

Məlumata görə, Göyçay rayonunun Mırtı kəndində yaşayan Xalid Kərimov həyətində ağacdan gilas yığarkən nərdivandan yıxılıb. Xəstəxanaya yerləşdirilmiş X.Kərimov orada ölüb.

Faktla bağlı araşdırma aparılır.