Abşeronda yol qəzası baş verib, 1 nəfər ölüb, 2 nəfər yaralanıb

Bakı. 10 dekabr. REPORT.AZ/ Abşeron rayonunda yol qəzası baş verib. 

"Report" xəbər verir ki, bu barədə Daxili İşlər Nazirliyi məlumat yayıb. 

Belə ki, dekabrın 8-də saat 15 radələrində Abşeron rayonunun Novxanı kəndi ərazisində Bakı şəhər sakinləri Ramin Şirəliyevin idarə etdiyi “Azsamand” və Arif Nəbiyevin idarə etdiyi “Toyota” markalı avtomobillər toqquşub. Nəticədə R.Şirəliyevin sərnişini, Göyçay rayon sakini Saab Məmmədov hadisə yerində ölüb, özü və digər sərnişini xəstəxanaya yerləşdiriliblər.

Abşeron rayon Polis İdarəsi tərəfindən araşdırma aparılır.