Abşeronda "Mercedes" "London taksisi"nə çırpılıb, 5 nəfər yaralanıb - FOTO - VİDEO - YENİLƏNİB

Abşeronda "Mercedes" "London taksisi"nə çırpılıb, 5 nəfər yaralanıb - FOTO - VİDEO - YENİLƏNİB Qəzaya dairədə yol nişanının tələbinə əməl etməyən taksinin sürücüsü səbəb olub
Hadisə
969
21 Aprel , 2017 10:19
Abşeronda Mercedes London taksisinə çırpılıb, 5 nəfər yaralanıb - FOTO - VİDEO - YENİLƏNİB
Report.az

*** saat 06:47

Bakı. 21 aprel. REPORT.AZ/ Gecə saatlarında Abşeron rayonunun Sulutəpə qəsəbəsində bir neçə nəfərin xəsarət alması ilə nəticələnən yol qəzası baş verib.

"Report" xəbər verir ki, qəzaya dairədə yol nişanının tələbinə əməl etməyən "99-XU-438" dövlət qeydiyyat nişanlı "London taksisi"nin sürücüsü səbəb olub.

Nəticədə yüksək sürətlə gələn "10-NA-016" dövlət qeydiyyat nişanlı "Mercedes" markalı avtomobil taksiyə çırpılıb. Zərbə o qədər güclü olub ki, "Mercedes" bir neçə dəfə dövrə vuraraq işıq dirəyinə çırpılıb. Qəza zamanı "Mercedes"in sürücüsü, 1999-cu il təvəllüdlü Əyyubov Nicat Rasim oğlu və sərnişinlər - 1995-ci il təvəllüdlü Albabayev Rahim Şahin oğlu, 1996-ci il təvəllüdlü Kərəmov Əhəd Vidadi oğlu, 1997-ci il təvəllüdlü Qarayev Tural Cavanşir oğlu xəsarət alaraq xəstəxanaya yerləşdirilib.

Bundan əllavə, "London taksisi"nin sürücüsü, 1983-cü il təvəllüdlü Alməmmədov Zamin Ümid oğlu da bədən xəsarətləri alaraq xəstəxanaya yerləşdirilib.

Faktla bağlı Daxili İşlər Nazirliyinin Baş İstintaq və Təhqiqat İdarəsində araşdırmalar aparılır.

Son xəbərlər

Orphus sistemi