Yuxarı

Abşeronda maşının vurduğu piyada xəstəxanadan qaçıb

Abşeronda maşının vurduğu piyada xəstəxanadan qaçıb
Hadisəni törədən sürücü də hadisə yerindən uzaqlaşıb

Abşeron. 4 mart. REPORT.AZ/ Abşeron rayonunda yolu keçmək istəyən piyadanı maşın vurub.

"Report"un yerli bürosunun məlumatına görə, hadisə Ceyranbatan bağları ərazisində baş verib.

Abşeron Ceyranbatan Peşə Liseyinin yataqxanasında yaşayan 1977-ci il təvəllüdlü Əsədov Vüqar İbrahim oğlu ərazidəki marketin qarşısında yolu keçərkən naməlum avtomobil tərəfindən vurulub. Sürücü hadisə yerindən uzaqlaşıb.

Yaralı vəziyyətdə xəstəxanaya yerləşdirilən Vüqar Əsədov sonradan oradan qaçıb. Tibb müəssisəsindən verilən məlumata görə, o, xəstəxanaya gətirilərkən vəziyyəti ağır olub.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi