Abşeronda kütləvi dava olub, bir nəfər bıçaqlanıb

Abşeron. 4 avqust. REPORT.AZ/ Abşeron rayonunda kütləvi dava zamanı bir nəfər bıçaqlanıb.

"Report"un yerli bürosunun məlumatına görə, hadisə Saray qəsəbəsində baş verib.

Belə ki, 2000-ci il təvəllüdlü Mustafayev Rahim Şahin oğlu qəsəbə ərazisində fəaliyyət göstərən "Pəhləvanlar" obyektində kütləvi dava zamanı bıçaqlanıb. Yaralı xəstəxanaya çatdırlıb və əməliyyat olunub. Vəziyyətinin ağır olduğu bildirilir.

Faktla bağlı araşdırma aparılır.