Yuxarı

​Abşeronda iki avtomobilin toqquşması nəticəsində bir nəfər ölüb

Sürücünün cəsədi deformasiyaya uğramış maşından çıxarılaraq aidiyyəti üzrə təhvil verilib

Bakı. 7 dekabr. REPORT.AZ/ Abşeron rayonunda ölümlə nəticələnən yol-nəqliyyat hadisəsi baş verib.

"Report" Fövqəladə Hallar Nazirliyinə istinadən xəbər verir ki, qurumun "112” qaynar telefon xəttinə daxil olmuş məlumata əsasən, Abşeron rayonunda iki "VAZ" markalı minik avtomobili toqquşub.

Nəticədə avtomobillərdən birinin sürücüsü 1948-ci il təvəllüdlü Rəsulov Fikrət Rəsul oğlu aldığı bədən xəsarətlərindən hadisə yerində vəfat edib. Xilasedicilər F.Rəsulovun cəsədini deformasiyaya uğramış nəqliyyat vasitəsindən çıxararaq aidiyyəti üzrə təhvil veriblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi