Abşeronda 43 yaşlı kişi evin damından yıxılaraq ağır xəsarət alıb

Abşeron. 17 may. REPORT.AZ/ Abşeron rayonunun Saray qəsəbəsində xəsarətlə nəticələnən bədbəxt hadisə baş verib.

"Report"un yerli bürosunun məlumatına görə, 1975-ci il təvəllüdlü yerli sakin Heydərov Əli Yusif oğlu yaşadığı qəsəbə ərazisində öz evinin damından yıxılaraq ağır xəsarət alıb.

O, dərhal yaxınları tərəfindən Sumqayıt şəhər TTYX-ya çatdırılıb. Hazırda vəziyyətinin qənaətbəxş olduğu deyilir.

Faktla bağlı araşdırma aparılır.