Yuxarı

Abid Şərifov Şabranda torpaq sürüşməsi ilə bağlı komissiyanın yaradılmasını tapşırıb

Abid Şərifov Şabranda torpaq sürüşməsi ilə bağlı komissiyanın yaradılmasını tapşırıb

125

​Şabranda torpaq sürüşməsi aktiv fazadadır, hələ sürüşmə başa çatmayıb
© Report.az

Bakı. 27 mart. REPORT.AZ/ "Şabran rayonunda torpaq sürüşməsi aktiv fazadadır, hələ sürüşmə başa çatmayıb".

Bunu "Report"a Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov deyib.

O xatırladıb ki, fevral ayında rayonun Qazıbabalı kəndində torpaq sürüşməsi hadisəsi qeydə alınıb: "Qeyd olunan ərazidə ilk dəfədir sürüşmə prosesi baş verir. Sürüşmə nəticəsində 6-ya yaxın evdə təhlükəli vəziyyət yaranmışdı. Həmin proses bu gün də davam edir. Təbiət hadisəsi 15 hektardan artıq ərazini əhatə edib. Sürüşmənin uzunluğu 300-400 metrə, qırılma qaşının hündürlüyü isə təxminən 70-80 sm-ə çatır".

Ə.Qaralov baş nazirin müavini Abid Şərifovdan sürüşməyə nəzarət üçün komissiyanın yaradılması ilə bağlı göstəriş aldıqlarını vurğulayıb: "Ekologiya və Təbii Sərvətlər Nazirliyi və Fövqəladə Hallar Nazirliyinin əməkdaşları komissiya şəklində yeni yaranan sürüşmə sahəsinə yenidən baxış keçirəcək və tədqiqatlar aparılacaq".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi