Yuxarı
    Bağlamaq

    80 yaşlı qadın: "Şiraslan Atayevi söyüş söydüyü üçün öldürmüşəm" - YENİLƏNİB

    Göygöldə 80 yaşlı qadının törətdiyi qətlin təfərrüatı məlum olub

    Göygöl. 10 mart. REPORT.AZ/ Göygöl rayonunda 80 yaşlı qadının törətdiyi qətlin təfərrüatı məlum olub.

    "Report"un Qərb bürosu xəbər verir ki, Kəlbəcər rayon sakini, 1937-ci il təvəllüdlü Marquş Bayramova qonşusu və uzaq qohumu olan Kəlbəcər rayon sakini, 1974-cu il təvəllüdlü Şiraslan Atayevi qətlə yetirib. Yaşlı qadın mətbəx bıçağı ilə Ş.Atayevi ürəyə yaxın nahiyədən bıçaqlayıb. Bir bıçaq yarası alan Ş.Atayev hadisə yerində ölüb.

    Göygöl Rayon Polis Şöbəsinin (RPŞ) əməkdaşları tərəfindən 80 yaşlı qadın saxlanılıb. RPŞ-dən "Report"a verilən məlumata görə, M.Bayramova istintaqa ifadə verib: "Marquş Bayramova ifadəsində bildirib ki, gecə saatlarında qonşusu Şiraslan Atayev sərxoş halda qadının yaşadığı evə gəlib. Qoca qadın Şiraslan Atayevdən həyətindən çıxmasını tələb edib və bundan sonra tərəflər arasında mübahisə yaranıb. Marquş Bayramova qeyd edib ki, Şiraslan Atayev söyüş söydüyü üçün onu bıçaqlayıb". 

    Faktla bağlı Göygöl Rayon Prokurorluğunda Cinayət Məcəlləsinin 120.1 (Qəsdən adam öldürmə) maddəsi ilə cinayət işi açılıb, araşdırmalar davam etdirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi