​Oğuzda ağır yol qəzası baş verib, 2 nəfər ölüb

Bakı. 19 iyul. REPORT.AZ/ Bu gün Şəki-Oğuz yolunun Oğuz rayonundan keçən hissəsində yol qəzası baş verib.

"Report"un məlumatına görə, Oğuz rayon sakini 1958-ci il təvəllüdlü Balaağayev Saməddin Kəmaləddin oğlu idarə etdiyi 10-bx-809 nömrə nişanlı VAZ-21-06 markalı avtomobili yol kənarında ağaca çırpıb.

Hadisə nəticəsində sürücü və sərnişini 1987-ci il təvəllüdlü Məmmədov Rəşad Ramiz oğlu hadisə yerindəcə ölüb.

Faktla bağlı Şəki Şəhər-Rayon Polis şöbəsində araşdırma aparılır.