16 saylı cəzaçəkmə müəssisəsindən 4 tanınmış şəxs və 5 əcnəbi azadlığa buraxılıb - VİDEO - YENİLƏNİB

16 saylı cəzaçəkmə müəssisəsindən 4 tanınmış şəxs və 5 əcnəbi azadlığa buraxılıb - VİDEO - YENİLƏNİB Əliağa Qasımov Prezident İlham Əliyevə təşəkkür edib
Hadisə
25 May , 2018 13:43
16 saylı cəzaçəkmə müəssisəsindən 4 tanınmış şəxs və 5 əcnəbi azadlığa buraxılıb - VİDEO - YENİLƏNİB
Report

Video əlavə olunub


*** saat 11:55

Bakı. 25 may. REPORT.AZ/ Prezident İlham Əliyevin imzaladığı "Məhkum edilmiş bir sıra şəxslərin Azərbaycan Xalq Cümhuriyyətinin 100 illiyi münasibətilə əfv olunması haqqında" sərəncamı Ədliyyə Nazirliyi Penitensiar Xidmətinin 16 saylı cəzaçəkmə müəssisəsində icra olunub.

“Report”un məlumatına görə, müssisədə keçirilən tədbirdə Penitensiar Xidmətin rəis müavini, ədliyyə-polkovniki Məhərrəm Qafarov, 16 saylı cəzaçəkmə müəssisəsinin rəisi, ədliyyə-polkovnik leytenantı Şahin Həsənov və Ədliyyə Nazirliyinin nümayəndəsi iştirak edib.

M.Qafarov əfv edilən şəxslərə gələcək həyatlarında uğurlar arzulayıb.

Daha sonra cəzaçəkmə müəssisəsindən 17 nəfər azadlığa buraxılıb.

Həmçinin 16 saylı cəzaçəkmə müəssisəsindən 5 əcnəbi də azadlığa çıxıb. Bunlar Kamerun Respublikasının vətəndaşı Hongla Samuel, Türkiyə Respublikasının vətəndaşları - Mərt Küçük, Bayram Akyel, Əfqanıstan İslam Respublikasının vətəndaşı Sediqi Khvaja Shekib və Banqladeş Xalq Respublikasının vətəndaşı Uddin Mohammad Baharundur.

Bundan başqa, Nardaran hadisələrinə görə həbs edilən Hilal Cannarov, Əliağa Qasımov, Ələkbər Qurbanov və "hicab aksiyası"nda həbs olunan David Kərimov da azadlığa buraxılıblar.

Ə.Qasımov əfv sərəncamı imzaladığına görə Prezident İlham Əliyevə təşəkkür edib.

Qeyd edək ki, Prezident İlham Əliyevin imzaladığı sərəncam 634 nəfərə şamil ediləcək.

Son xəbərlər

Orphus sistemi