Yuxarı

1 aprel günündə FHN-ə yalançı zəng daxil olub - FOTO

Yanğınsöndürənlər çaşbaş qalıb

Bakı. 1 aprel. REPORT.AZ/ Fövqəladə Hallar Nazirliyinin (FHN) Quba Yanğından Mühafizə Xidmətinin əməkdaşları 1 aprel zarafatı ilə üzləşiblər.

"Report" xəbər verir ki, FHN Quba Yanğından Mühafizə Xidmətinin "101" xidmətinə Quba şəhərinin Səməd Vurğun küçəsi, 73 ünvanında yanğın baş verdiyi barədə məlumat daxil olub. Dərhal qeyd olunan ünvana iki yanğınsöndürən maşın və canlı qüvvə göndərilib. Nəticədə yanğınsöndürənlər nəinki yanğının baş verdiyi, həttə həmin küçədə belə bir ünvanın olmadığının şahidi olublar. Eyni zamanda, bundan xəbər tutan jurnalistlər hadisəni işıqlandırmaq üçün qeyd olunan ünvana getsələr də, bunun 1 aprel zarafatından başqa bir şey olmadığını başa düşüblər. Hazırda anonim zəng edən vətəndaşın kimliyi araşdırılır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi