Yuxarı

Şamaxı-İsmayıllı yolunda ağır yol qəzasında 4 nəfər ölüb

Qəza zamanı yük avtomobili ilə minik maşını toqquşub

Bakı. 22 sentyabr. REPORT.AZ/ Ötən gecə Azərbaycanın Şamaxı rayonu, Şamaxı-İsmayıllı yolunun 128-ci kilometrliyində yol-nəqliyyat hadisəsi baş verib. Bu barədə “Report”a Fövqəladə Hallar Nazirliyindən (FHN) bildirilib. Hadisə yerinə FHN-in müvafiq xilasetmə qüvvələri cəlb olunub. Məlum olub ki, qəza zamanı "Kamaz" markalı yük avtomobili ilə "Mercedes" markalı minik maşını toqquşub. Nəticədə minik avtomobilində sürücü və 3 nəfər sərnişin dünyalarını dəyişiblər. Xilasedicilər qəza nəticəsində deformasiyaya uğrayan minik avtomobilində sıxılmış vəziyyətdə qalan sürücü və 3 nəfər sərnişinin meyitini xüsusi alət və avadanlıqlar vasitəsilə çıxararaq aidiyyəti üzrə təhvil veriblər. 

Qəza ilə bağlı Baş Dövlət Yol Polis İdarəsində araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi