"Zirə” klubu “Differdanj” komandası ilə oyunlar üçün daha bir futbolçu sifariş edib

Bakı. 29 iyun. REPORT.AZ/ "Zirə” klubu Avropa Liqasının I təsnifat mərhələsi çərçivəsində Lüksemburqun “Differdanj” komandası ilə oyunlar üçün daha bir futbolçu sifariş edib.

“Report”un UEFA-nın rəsmi saytına istinadən verdiyi məlumat görə, qəsəbə təmsilçisi yeni transferi - rumıniyalı müdafiəçi Qabriel Mateyin adını heyətə salıb. Bununla da “Zirə”nin avrokubok üçün futbolçu sayı 20-yə çatıb. Matey 14 nömrəli forma ilə çıxış edəcək. 

Qeyd edək ki, 27 yaşlı Qabriel Matey “Zirə” ilə "1+1” il şərti ilə müqavilə imzalayıb.