Yuxarı
    Bağlamaq

    Azərbaycanın daha bir klubu Türkiyədə hazırlıq keçəcək

    Zirə yanvarın 9-da Antalyaya yollanacaq

    Bakı. 21 dekabr. REPORT.AZ/ Futbol üzrə Azərbaycan Premyer Liqasındakı qış fasiləsindən istifadə edən "Zirə" klubu da hazırlığını Türkiyədə keçəcək. Klubdan "Report"a verilən məlumata görə, Adil Şükürovun rəhbərlik etdiyi komanda yanvarın 9-da Antalyaya yollanacaq. 

    İki həftə ərzində "Zirə" 3 yoxlama görüşü keçirəcək. Sınaqçı rəqiblərin kimliyinə yaxın günlərdə aydınlıq gələcək. Bununla yanaşı, futbolçu Nurlan Novruzovla müqavilə müddətinin uzadılmasına da qərar verilib. Hazırkı anlaşması qışadək olan 22 yaşlı hücumçunun yeni anlaşmasının müddəti hələlik məlum deyil. 

    Qeyd edək ki, "Qarabağ", "İnter", "Qəbələ" və "Neftçi" komandalarının da qış təlim-məşq toplanışını Türkiyədə keçirəcəkləri dəqiqləşib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi