​"Zirə" Antalyada Rumıniya klubu ilə qarşılaşacaq

Bakı. 30 dekabr. REPORT.AZ/ Qış fasiləsində təlim-məşq toplanışının 2-ci mərhələsini Türkiyənin Antalya şəhərində keçirəcək "Zirə"nin yoxlama oyunlarında qarşılaşacağı rəqiblərdən birinin adı müəyyənləşib. "Report"un klubun rəsmi saytına istinadən verdiyi məlumata görə, "qartallar" yanvarın 22-də baş tutacaq qarşılaşmada Rumıniyanın yüksək liqa təmsilçisi "Tırqu-Mureş" klubu ilə üz-üzə gələcək.

Oyun saat 15-00-da başlayacaq. "Tırqu-Mureş" hazırda turnir cədvəlində 5-ci sırada qərarlaşıb və liderdən 11 xal geri qalır. Ötən mövsüm isə bu komanda çempionatın gümüş medalını qazanaraq Avropa Liqasına vəsiqə əldə edib. Avroliqanın 3-cü mərhələsində Fransanın "Sent-Etyen" klubuna məğlub olan "Tırqu-Mureş" mübarizəni dayandırıb. Komandanın baş məşqçisi Rumıniya futbolunun tanınan simalarından, yaxın keçmişin ən yaxşı müdafiəçilərindən olan Dan Petreskudur.

Qeyd edək ki, "Zirə" Antalyanın Side bölgəsində yerləşən "The Sense Deluxe" otelində məskunlaşacaq