Yuxarı
    Bağlamaq

    "Zenit"in baş məşqçisi Mirça Luçesku istefaya göndərilib

    Bu barədə klubun mətbuat xidməti məlumat yayıb© Foto: TASS

    Bakı. 28 may. REPORT.AZ/ Mirça Luçeski Rusiyanın "Zenit" futbol komandasının baş məşqçi postundan istefaya göndərilib. "Report"un Sankt-Peterburq klubunun rəsmi saytına istinadən məlumatına görə, Direktorlar Şurası rumıniyalı mütəxəssislə müqavilənin vaxtından əvvəl pozulmasına qərar verib.

    Onu Roberto Mançininin əvəzləyəcəyi gözlənilir. Artıq klubun yeni prezidenti Sergey Fursenko italiyalı mütəxəssislə müqavilənin detallarını razılaşdırıb.

    Qeyd edək ki, Mirça Luçesku "Zenit"ə 2016-cı il mayın 24-də baş məşqçi təyin olunub. 72 yaşlı mütəxəssis komandaya Rusiya Super Kubokunu qazandırıb. Sankt-Peterburq təmsilçisi Avropa Liqasında "pley-off"da mübarizəni dayandırıb, Premyer Liqada isə bürünc medalla kifayətlənib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi