İtaliya "Yuventus"unun futbolçusu Kriştianu Ronaldu zədədən sonra bərpa olunub.
"Report" xəbər verir ki, portuqaliyalı ötən gün ümumi qrupda məhdudiyyətsiz məşq edib. Beləliklə, portuqaliyalı hücumçu aprelin 10-da Çempionlar Liqasının ilk 1/4 final matçında "Ayaks"a qarşı oynaya biləcək.
Komandada ümumi heyətə həmçinin braziliyalı hücumçu Duqlas Kosta da qayıdıb. Yarımmüdafiəçi Emre Can isə "Milan"a 2:1 hesabı ilə qalib gəldikləri İtaliya çempionatının 32-ci tur matçında aldığı zədəyə görə məşqi buraxmalı olub.
Qeyd edək ki, "Ayaks" - "Yuventus" matçı Amsterdamdakı "Yohan Kroyff Arena"da keçriləcək.