Yuxarı
    Bağlamaq

    "Yuventus" - "Milan" matçının vaxtı dəyişdirilib

    Milan oyunun keçiriləcəyi Doha şəhərinə vaxtında uça bilməyib

    Bakı. 21 dekabr. REPORT.AZ/ İtaliyanın "Milan" futbol klubu ölkə Superkuboku matçına vaxtında yetişə bilməyib.

    "Report" xəbər verir ki, komanda üzvləri dekabrın 20-də təyyarə reysinin 1 saat yarım gecikməsi, ardınca isə ümumiyyətlə ləğvi səbəbindən "Yuventus" ilə oyunun keçiriləcəyi Doha şəhərinə vaxtında gedə bilməyiblər.

    "Milan News" nəşrinin məlumatına görə, komandanın uçuşu dekabrın 21-nə keçirilib, Turin komandası ilə oyun isə cümə günü, dekabrın 23-də baş tutacaq.

    Xatırladaq ki, "Yuventus" ötən mövsüm İtaliya çempionu və ölkə Kubokunun qalibi olub, "Milan" isə Kubokun finalçısıdır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi