"Yuventus" Leonardo Bonuççini geri qaytarıb

Bakı. 2 avqust. REPORT.AZ/ İtaliyanın "Yuventus" klubu "Milan" komandasının futbolçusu Leonardo Bonuççini heyətinə qatıb. 

"Report" klubun rəsmi "Facebook" səhifəsinə istinadən xəbər verir ki, 31 yaşlı italiyalı müdafiəçi sabiq komandasında tibbi müayinədən keçmək üçün artıq Turin şəhərindədir. 

Qeyd edək ki, Banuççi 2010-2017-ci illər ərzində "Yuventus"da çıxış edib. O, ötən yay 42 milyon avro müqabilində "Milan"a satılıb.