Bakı. 20 dekabr. REPORT.AZ/ İtaliyanın "Yuventus" klubu futbolçusu Aleks Sandro ilə uzunmüddətli müqavilə imzalayıb.
"Report" klubun rəsmi saytına istinadən xəbər verir ki, 27 yaşlı braziliyalı cinah müdafiəçisi yeni sözləşməyə əsasən, 2023-cü ilə qədər Turin təmsilçisində çıxış edəcək.
Qeyd edək ki, Aleks Sandro 2015-ci ildən "Yuventus"da çıxış edir. O, komandanın heyətində 3 dəfə İtaliya A Seriyasının, bir dəfə isə İtaliya Kubokunun qalibi olub.