Bakı. 2 may. REPORT.AZ/ Turinin "Yuventus" klubu səfərdə Genuyanın “Sampdoriya” klubu üzərində qələbə qazanıb və vaxtından əvvəl futbol üzrə İtaliya çempionatının qalibi olub.
“Report” xəbər verir ki, 34-cü tur çərçivəsində baş tutan görüş 1:0 hesabı ilə qonaqların xeyrinə başa çatıb.
Qələbə qolunun müəllifi Arturo Vidal olub (32-ci dəqiqə).
“Yuventus” bu qələbə sayəsində yaxın izləyicisi “Latsio” ilə xal fərqini 17-yə çatdırıb.
Bu çempionluq titulu “Qoca senyora” üçün 31-ci və ardıcıl dördüncü olub.