Yuxarı

​Xorvatiyanın "Hayduk" klubu Ruslan Qurbanovun keçidini açıqlayıb

23 yaşlı hücumçu cari mövsümün sonuna qədər yeni komandasında icarə əsasında çıxış edəcək

Bakı. 19 fevral. REPORT.AZ/ Xorvatiya "Hayduk"u Azərbaycanın "Neftçi" klubunun futbolçusu Ruslan Qurbanovun keçidini rəsmən açıqlayıb. "Report"un məlumatına görə, 23 yaşlı hücumçu cari mövsümün sonuna qədər yeni komandasında icarə əsasında çıxış edəcək.

Amma sonradan müqavilə müddəti 2 il uzadıla bilər. "Hayduk"un heyətində 7 nömrəli forma ilə çıxış edəcək R.Qurbanov klubun rəsmi saytına açıqlama verib. O, ön xətdə çıxış etməsinə baxmayaraq, sol cinahda oynamaqdan xoşu gəldiyini deyib: "Yeni komandamın böyük klub olduğunu bilirəm. Klub rəhbərliyi mənə inanıb. Çalışacağam ki, bu etimadı doğruldum".

Qeyd edək ki, Ruslan Qurbanov müqavilə ilə "Neftçi"yə məxsusdur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi