Yuxarı

"Xəzər Lənkəran"ın sabiq futbolçusu Rumıniya çempionu olub

Astra tarixi nailiyyətə imza atıb

Bakı. 2 may. REPORT.AZ/ Curcu şəhərini təmsil edən "Astra" klubu tarixində ilk dəfə futbol üzrə Rumıniya çempionatının qalibi olub. "Report"un məlumatına görə, bu, çempionatın "6-lıq" mərhələsinin sonuna 1 tur qalmış müəyyənləşib.

İkinci pillədəki "Styaua" öz meydanında "Panduriy"lə 1:1 hesablı heç-heçə edib. Bu nəticədən sonra hələ ehtiyatda bir oyunu olan "Astra" Buxarest komandasını 5 xal qabaqlayıb və çempionluğu təmin edib.

Qeyd edək ki, "Astra"nın futbolçuları arasında uzun müddət "Xəzər Lənkəran"da çıxış etmiş Adrian Skarlatake də var. 30 yaşlı müdafiəçi Lənkəran komandasının heyətində 2011-ci ildə Azərbaycan Kubokunu, 2013-cü ildə Super Kuboku qazanıb. Skarlatake 2006-2007 mövsümündə Buxarest "Dinamo"su ilə Rumıniya çempionu olub. "Astra" ilə yanvarda mövsümün sonunadək müqavilə bağlamış futbolçu karyerasında ikinci dəfə çempionluq sevinci yaşayıb.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi