Yuxarı

"Xəzər Lənkəran"ın futbolçusu klubdan xəbərsiz seçkiqabağı təbliğat kampaniyasına qoşulub

Klub bununla bağlı açıqlama verib

Bakı. 19 oktyabr. REPORT.AZ/ 73 saylı Lənkəran şəhər Seçki Dairəsindən deputatlığa namizədlərdən biri təbliğat çarxına "Xəzər Lənkəran" klubunun 19 yaşadək futbolçulardan ibarət komandasının üzvü Cəlal Hüseynzadəni çəkib. "Report"un məlumatına görə, təşviqat vəsaitində 17 yaşlı oyunçunun iki saniyəlik əksi və sözləri yer alıb.

Lakin çəkilişin klubun icazəsi olmadan aparıldığı üzə çıxıb. Bununla bağlı "ağ-yaşıllar"ın mətbuat xidmətinin rəhbəri Hüseyn Cəbrayıloğlu "Report"a açıqlama verib: "Xəzər Lənkəran" olaraq seçkidə hər bir namizədə uğurlar arzulamaqla yanaşı, bildiririk ki, klubumuz seçki təbliğatına qoşulmur və heç bir namizədi dəstəkləmir. Həmin videoda yer alan epizod yeniyetmə futbolçunun klubun intizam kodeksini bilməyərək pozmasından irəli gəlir".

Qeyd edək ki, parlament seçkiləri noyabrın 1-də keçiriləcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi