Venesuela prezidenti Maradona ilə futbol oynayıb

Bakı. 8 noyabr. REPORT.AZ/ Venesuela prezidenti Nikolas Maduro Karakasda əfsanəvi argentinalı futbolçu Diyeqo Maradona ilə futbol oynayıb.

“Report” xəbər verir ki, bu barədə "Noticiero Digital" məlumat yayıb.

Ölkə başçısı və futbolçunun görüşü çərçivəsində uşaqlar üçün ustad dərsi təşkil olunub.

Tədbirin sonunda Maduro Maradonaya futbolçunun Venesuelanın sabiq prezidenti Uqo Çaveslə birgə çəkilmiş fotosunu hədiyyə edib.