Yuxarı
    Bağlamaq

    Ukraynada 12 futbolçu danışılmış oyunlara görə diskvalifikasiya olunub

    Onlar 6 aydan 3 ilədək futboldan kənarlaşdırılıblar

    Bakı. 16 fevral. REPORT.AZ/ Ukraynanın "Metallist" klubunun gənclərdən ibarət komandalarının 12 sabiq futbolçusu danışılmış oyunlarda iştirakları səbəbindən diskvalifikasiya olunub.

    "Report"un "Futbol 24"ə istinadən məlumatına görə, bu barədə Ukrayna Futbol Federasiyasının (UFF) Nizam-İntizam Komitəsi qərar verib.

    Qərara əsasən, Maksim Averyanov, Nikita Bezklubyuk, Boqdan Boyçuk, Daniil Klyuçka, Ruslan Kovtok, Yevgeni Malik, Aleksandr Medvedev, Rəmzi Ramazanov, Sergey Sizı, Dmitri Skarjinski, Daniil Solomaxa və Denis Tkaçenko 6 aydan 3 ilədək futboldan kənarlaşdırılıblar.

    Qeyd edək ki, 2016-cı ilin sentyabrında UFF-in Etika və Ədalətli Oyun Komitəsinin "Metallist"in gənclər və yeniyetmələrdən ibarət komandalarının 14 futbolçusunun oyunları bilərəkdən uduzmaqda şübhəli bildiyi müəyyənləşib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi