Yuxarı
    Bağlamaq

    Ueyn Runi dünyanın ən yüksək ödənişli futbolçusu ola bilər

    Çin klubu futbolçunun xidmətində maraqlıdır

    Bakı. 23 yanvar. REPORT.AZ/ İngiltərənin "Mançester Yunayted" klubunun futbolçusu Ueyn Runi karyerasını Çində davam etdirə bilər. "Report"un "The Sun"a istinadən verdiyi məlumata görə, adı açıqlanmayan Çin klubu 31 yaşlı hücumçunun xidmətində maraqlıdır.

    Runi təklifi qəbul edəcəyi təqdirdə, qonşu qitədə həftəsinə təxminən 1.15 milyon avro qazanacaq. Futbolçunun indiki gəliri həftədə 345 min avro civarındadır. Tərəflər arasında danışıqlar müsbət nəticələnsə, Runi mövsümün sonunda Çinə üz tutacaq. Bu halda o, dünyanın ən yüksək ödənişli futbolçusu olacaq və həftəsinə 710 min avro qazanan Karlos Tevesi qabaqlayacaq.

    Qeyd edək ki, Ueyn Runi 2004-cü ildən "Mançester Yunayted"də çıxış edir. Cari mövsümdə o, Premyer Liqada 16 oyunda 2 qol vurub və 4 qol ötürməsi edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi