Yuxarı

UEFA "Apollon" - "Qəbələ" matçı ilə bağlı 3 intizam işi açıb

Cavid Hüseynovun və kiprli azarkeşlərin hərəkətinə baxılacaq

Bakı. 5 avqust. REPORT.AZ/ UEFA Kiprin "Apollon" və Azərbaycanın "Qəbələ" klubları arasında keçirilmiş Avropa Liqasının III təsnifat mərhələsinin ilk oyunu zamanı yerli azarkeşlərin hərəkətləri ilə bağlı qərarı gələn həftə verəcək. Bu barədə "Report"un sorğusuna cavab olaraq UEFA-dan bildirilib.

Rəsmi açıqlamada deyilir ki, "Apollon"a qarşı meydana yad əşyaların atılması və kənar şəxslərin daxil olması maddələri ilə intizam işi açılıb. İşə avqustun 13-də baxılacaq. Kipr komandası isə "Qəbələ"nin futbolçusu Cavid Hüseynovun yolverilməz jestinə etiraz edib. Etirazla bağlı qərar bu gün veriləcək. 

Qeyd edək ki, Cavid Hüseynov oyunun uzatma dəqiqələrində penaltini dəqiq yerinə yetirdikdən sonra kiprli fanatlara qarşı qeyri-etik jest edib. "Qəbələ"nin kapitanı bu addımını oyunboyu özlərinin və Azərbaycan bayrağının təhqirlərə məruz qalması ilə əlaqələndirib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi