UEFA İcraiyyə Komitəsinin üzvü 2 milyon avroluq israfçılıqda şübhəli bilinir

Bakı. 2 mart. REPORT.AZ/ Ukrayna Futbol Federasiyasının (FFU) sabiq prezidenti və UEFA İcraiyyə Komitəsinin üzvü Qriqori Surkis 2 milyon avronu israf etməkdə şübhəli bilinir.

"Report"un "Prosport.ua"ya istinadən verdiyi məlumata görə, Avropa futbol qurumu bu vəsaiti ölkədə futbolun inkişafına ayırıb. Lakin Q.Surkis və onun müavini Aleksandr Bandurko həmin pulları Kiyev yaxınlığında milli komanda üçün bazanın tikintisinə sərf edib. Lakin bu layihə hələ də ərsəyə gəlməyib.

FFU-nun hazırkı rəhbərliyi məsələ ilə bağlı araşdırmalar aparır.