UEFA Çempionlar Liqasının oyunlarının istirahət günlərinə keçiriləcəyi barədə xəbərlərə münasibət bildirib

Bakı. 31 may. REPORT.AZ/ UEFA Çempionlar Liqasında 1/4 final və yarımfinal oyunlarının 2021-ci ildən istirahət günlərinə keçiriləcəyi barədə iddialara münasibət bildirib. "Report"un məlumatına görə, Avropa futbol qurumunun mətbuat xidmətindən TASS-a verilən açıqlamada bu xəbər təkzib olunub. 

"UEFA 1/4 final və yarımfinal oyunlarını istirahət günləri keçirməyi planlaşdırmır. Yalnız final oyunu şənbə günü keçirilir və gələcəkdə də belə olacaq" deyə bildirilib. 

Qeyd edək ki, iyunun 3-də Uelsin paytaxtı Kardiffdəki "Millenium" stadionunda İtaliyanın "Yuventus" və İspaniyanın "Real Madrid" klubları Çempionlar Liqasının final matçında üz-üzə gələcəklər.