Yuxarı

​UEFA Cavid Hüseynov məsələsinə sabah baxacaq

Qəbələnin kapitanı Apollonla cavab görüşünü buraxa bilər

Bakı. 4 avqust. REPORT.AZ/ UEFA Kipr "Apollun"unun "Qəbələ" klubunun futbolçusu Cavid Hüseynovla bağlı etdiyi şikayətə sabah baxacaq. "Report"un məlumatına görə, bu barədə "sigmalive" nəşri xəbər yayıb. 

Xəbərdə "Apollon"un Hüseynovun "layiqli cəzasını alacağına" ümid etdiyi bildirilir. 27 yaşlı yarımmüdafiəçi cəzalanacağı təqdirdə, avqustun 6-da keçiriləcək cavab görüşünü buraxmalı olacaq.   

Qeyd edək ki, Cavid Hüseynov iyulun 30-da Limassoldakı "Antonis Papadopulos" stadionunda keçirilmiş ilk görüşün uzatma dəqiqələrində penaltini dəqiq yerinə yetirdikdən sonra "Apollon" azarkeşlərinə qeyri-etik jest edib. "Qəbələ"nin kapitanı "Report"a müsahibəsində bu addımı Azərbaycan bayrağının təhqir olunmasına cavab olaraq atdığını bildirib. Oyun 1:1 hesabı ilə nəticələnib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi