Yuxarı
    Bağlamaq

    UEFA "Beşiktaş"ın oyununda baş verənlərlə bağlı intizam işi açıb

    Son qərar fevralın 2-də veriləcək

    Bakı. 8 dekabr. REPORT.AZ/ UEFA Çempionlar Liqasının qrup mərhələsinin son turunda Ukraynanın paytaxtı Kiyevdə "Dinamo" və Türkiyənin "Beşiktaş" klubları arasında keçirilən oyunda baş verənlərlə bağlı intizam işi açıb.

    "Report"un məlumatına görə, tribunada azarkeşlərin davranışı hər iki komandanın araşdırmaya cəlb edilməsinə səbəb olub.

    Ev sahibi "Dinamo"ya qarşı təhlükəsizliyin tam təmin edilməməsi, azarkeşlərin tribunada münaqişə törətməsi, tribunalarda məşəl yandırılması, pilləkənlərdə gediş-gəlişə mane olma, "Beşiktaş" üçün isə azarkeşlərin münaqişə törətməsi, tribunalara zərər vermələri və məşəl yandırılması maddələri ilə iş açılıb.

    UEFA-nın Etika və İntizam Komitəsi 2017-ci il fevralın 2-də keçiriləcək iclasda məsələ ilə bağlı qərarını verəcək.

    Qeyd edək ki, dekabrın 6-da keçirilmiş görüşdə "Beşiktaş" 0:6 hesabı ilə məğlub olub. Komandaların azarkeşləri arasında dava matçdan öncə baş verib. Azarkeşlərin münaqişəsi oyun ərzində də davam edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi