​UEFA Asim Xudiyevə yeni təyinat verib

Bakı. 25 avqust. REPORT.AZ/ UEFA Asim Xudiyevə yeni təyinat verib. "Report"un AFFA-ya istinadən verdiyi məlumata görə, beynəlxalq dərəcəli hakim-inspektor Gürcüstana yollanacaq.

O, Avro-2016-nın seçmə mərhələsi çərçivəsində Gürcüstan və Şotlandiya komandaları arasında keçiriləcək qarşılaşmanın hakim-inspektoru olacaq.

Qarşılaşma sentyabrın 4-də, Tbilisi şəhərindəki Boris Payçadze adına Dinamo Arena-da keçiriləcək.