Yuxarı

UEFA AFFA-nı mükafatlandırıb

“Kreativlik və İnnovativlik” mükafatı Elxan Məmmədova təqdim olunub

Bakı. 15 yanvar. REPORT.AZ/ Türkiyənin İstanbul şəhərində UEFA-nın “KISS Marketing Community Workshop” tədbiri keçirilir. "Report"un məlumatına görə, AFFA-nın baş katibi Elxan Məmmədov tədbirdə UEFA-nın bu ildən etibarən tətbiq etməyə başladığı “Grow-2020” layihəsinin təqdimatı ilə çıxış edib.

2014-cü ildə Portuqaliyanın Kaskais şəhərində təşkil olunmuş UEFA-nın “KISS Marketing Awards 2014” tədbirində AFFA-nın təqdim etdiyi “3x3 Qızlar” turniri “Ən yaxşı futbol kütləvililiyi marketinq kampaniyası” kateqoriyası üzrə “Kreativlik və İnnovativlik” mükafatına layiq görülmüşdü. Mükafatla bağlı müvafiq diplom İstanbulda keçirilən tədbirdə UEFA-nın İcraiyyə Komitəsinin üzvü Allan Hansen tərəfindən Elxan Məmmədova təqdim olunub.

Qeyd edək ki, AFFA-nın Marketinq və Reklamlar Şöbəsinin müdiri Tural Piriyev və Bakı Olimpiya Stadionunun direktoru Cavid Qarayev tədbirdə iştirak edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi