Bakı. 8 iyun. REPORT.AZ/ Argentina, Uruqvay və Paraqvay 2030-cu il dünya çempionatını birgə təşkil etmək üçün Rusiyanın paytaxtı Moskvada FIFA-ya ərizə təqdim edəcək.
“Report” TASS-a istinadən xəbər verir ki, bu barədə Argentinanın Rusiyadakı səfiri Rikardo Laqorini bildirib.
Səfir deyib ki, gələn həftə bununla bağlı təqdimat mərasiminin təşkili planlaşdırılıb.
Qeyd edək ki, DÇ-2018 14 iyun – 15 iyulda Rusiyada, DÇ-2022 Qətərdə təşkil olunacaq. DÇ-2026 üçün isə Mərakeş, eləcə də Kanada, ABŞ və Meksika birgə ərizə verib.