Yuxarı
    Bağlamaq

    ​Türkiyənin "Beşiktaş" klubunun sabiq qapıçısı vəfat edib - YENİLƏNİB

    Qapıçı evə gedərkən 5 nəfərin hücumuna məruz qalmışdı

    Bakı. 10 mart. REPORT.AZ/ Türkiyənin həvəskarlardan ibarət "Zara Ekinli Spor" komandasında forma geyinən Sərvət Dündar bu gün axşam saatlarında xəstəxanada dünyasını dəyişib.

    "Report"un "Milliyet" qəzetinə istinadən verdiyi məlumata görə, on gün öncə bıçaqlanaraq komaya düşən gənc qapıçının həyatını xilas etmək mümkün olmayıb  

    İlk xəbər saat 20:14-də dərc olunub

    Türkiyənin həvəskarlardan ibarət "Zara Ekinli Spor" komandasında forma geyinən Sərvət Dündar on gün öncə bıçaqlanıb. 

    "Report"un məlumatına görə, sinəsindən bıçaq zərbəsi alan 16 yaşlı əlcək sahibi 9 gündür şüuru qapalı vəziyyətdə xəstəxanada yatır.

    Qaziosmanpaşada yerləşən restoranların birində qohumu ilə yemək yedikdən sonra evinə yollanan qapıçı 5 nəfərin hücumuna məruz qalıb. Onunla birgə olan İsrafil Dündar adlı qohumu zərərsizləşdirildikdən sonra futbolçuya hücum olunub.

    Təcili xəstəxanaya yerləşdirilən Dündarın vəziyyətinin ağır olduğu, bıçaq zərbəsinin ürək nahiyəsinə yaxın 1-2 sm dərinlikdə olduğu aşkarlanıb.

    Qeyd edək ki, Sərvət Dündar ötən mövsümü "Beşiktaş"ın 16 yaşlılardan ibarət komandasında keçirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi