Bakı. 21 noyabr. REPORT.AZ/ Futbol üzrə Çempionlar Liqasının 5-ci tur matçında Türkiyənin "Beşiktaş" və Portuqaliyanın "Portu" klubları heç-heçə oynayıblar.
“Report” xəbər verir ki, İstanbulda keçirilən görüş 1:1 hesabı ilə başa çatıb.
"Qara qartallar" bu heç-heçə sayəsində "G" qrupunda birinciliyi və turnirin 1/8 finalında iştirakı vaxtından əvvəl özünə təmin edib.
Bu saat 23:45-də "Monako" və "RB Leypsiq" klublarının iştirakı ilə qrupun digər matçı keçiriləcək.
G qrupunda turnir cədvəli: 1. "Beşiktaş" — 11 xal (5 oyun); 2. "Portu" — 7 (5); 3. "RB Leypsiq" — 4 (4); 4. "Monako" — 2 (4).
Çempionlar Liqası. G Qrupu. 5-ci tur
"Beşiktaş" – "Portu" - 1:1
Qollar: 0:1 – Felipe – 29, 1:1 – Taliska – 41