Yuxarı
    Bağlamaq

    Arda Turan Çempionlar Liqasında həftənin oyunçusu seçilib

    Türkiyəli yarımmüdafiəçi 58 faiz səs toplayıb

    Bakı. 9 dekabr. REPORT.AZ/ UEFA Çempionlar Liqasının VI turunun ən yaxşı oyunçusunu açıqlayıb. 

    "Report"un Avropa futbol qurumunun rəsmi saytına istinadən verdiyi məlumata görə, bu ada İspaniyanın "Barselona" klubunun türkiyəli futbolçusu Arda Turan layiq görülüb.

    Yarımmüdafiəçi qrup mərhələsinin son turunda Almaniyanın "Borussiya" (Münhenqladbax) komandası ilə qarşılaşmada 3 qol vurub və bir qol ötürməsi edib. Həmin görüş kataloniyalıların 4:0 hesablı qələbəsi ilə yekunlaşıb.

    A.Turan 58 faiz səs toplayıb. Almaniya "Bavariya"sının hücumçusu Robert Levandovski 17 faiz, Ukraynanın "Dinamo" (Kiyev) klubunun futbolçusu Andrey Yarmelonko isə 8 faiz səsə sahib olub.

    Qeyd edək ki, siyahıda Kərim Benzema ("Real Madrid", İspaniya), Andre Silva ("Portu", Portuqaliya), Lukas Perez ("Arsenal", İngiltərə), Qonsalo İquain ("Yuventus", İtaliya) və Harri Keyn ("Tottenhem", İngiltərə) də yer alıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi